أنا مين؟

أنا أيمن مسعود موسيقي مصري من الأسكندرية بدأت أشتغل في مجال الموسيقى فى نص التسعينات، وإنضميت لفريق الحب والسلام وبعد ما سبتهم أسست فريق مسار إجباري .

أخدت لقب "فنان من أجل الحوار بين الثقافات" من مؤسسة اليونسكو فى باريس، وجايزة أفضل فريق فى الشرق الأوسط "Middle East Music Award" فى 2014.

حصلت على شهادة فى النظريات الموسيقية من The Associated Board of Royal School of Music، ودرست Mixing and Mastering فى جامعة Berklee School of Music، ودرست Sound Design فى Emory University.

أخدت جوايز كتير منها: أحسن عازف كيبورد فى مسابقة مكتبة الاسكندرية الأولى للموسيقى الغربية سنة 2007، وجايزة تقديرية فى مسابقة Other Songs Contest.

اسست مشروع إسمه سبع صنايع أخد جايزة لجنة التحكيم فى مسابقة مكتبة الاسكندرية التانية سنة 2008، وشاركت فى كتير من العروض المسرحية كمصمم لشريط الصوت زى نوستالجيا.

شاركت كعازف فى عرض سطور من دفاتر مصر مع جماعة المسرح البديل فى مصر وتونس ولبنان واسكتلاندا، وألفت الموسيقة التصويرية لأفلام قصيرة كتير زى فيلم "حياة" وفيلم "انتقام البراد".

شاركت كتير فى ورش العمل الموسيقية فى مصر ومقدونيا وبلاد تانية.

شاركت فى كتير من الورش المحلية والإقليمية والدولية فى مجال الموسيقى والصوت والموسيقة الالكترونية، وإشتغلت منسق فى ورشة فتحي سلامة فى مركز الجزويت الثقافى في 2006-2007.

درّست الموسيقى الإكترونية والتسجيل فى مكتبة الاسكندرية سنة 2009، وكنت بشتغل مدير تقنى لكتير من مهرجانات المسرح زى مهرجان Reveil فى اسكندرية سنة 2011، ومهرجان الشوارع الخلفية Back Street Festival واللي ضم أكتر من 15 عرض من دول كتير فى 10 أماكن عرض مختلفة فى إسكندرية.